«Til døden skil oss» av Anders Totland

Samlaget 2024

Me møter att Jacob Juul frå Til jord skal du bli (2022).
Han synes han lever eit godt liv. Kona er død, men han har Izzy (barnebarnet som eigentleg heiter Isabella Donnatina) boande hjå seg på prestegarden. Men kan han vera trygg for at Izzy skal få bli? Barnevernet verkar ikkje heilt overbevist om at Jacob er den rette til å ta seg av jenta, og dukkar stadig opp på garden for ein prat.
No skal det arrangerast bryllaup på garden, for Maria (den nye presten i bygda) skal gifta seg med Gjertrud, og Jacob har lova at dette skal arrangerast på prestegarden. Gjertrud er temmeleg gravid og sumaren er temmeleg varm. Jacob lurer nesten på om han har tatt på seg litt for mykje her, for han kjenner at helsa ikkje er heilt på topp.
Det er mykje anna som skjer og, for mor til Maria kjem og skal bu på garden, og ho er jo ein handfull for å seie det mildt. Og Izzys morfar held på med lyssky verksemd, der Jacob stadig blir iblanda.

Som i fyrste bok er det mykje handling og humor. Om du føretrekk realistisk krim er nok ikkje dette boka for deg, men om du likar humoristisk bygdekrim med fargerike karakterar, så kan du prøve desse bøkene om Jacob Juul.

«Du lurer ikke meg» av Marie Kinge

Cappelen Damm 2024

«Den første dagen jeg fant ham død, var på en helt vanlig onsdag.»

Dette er den dramatiske starten på Marie Kinges roman. Hovedpersonen deler med leseren minner fra oppvekst og samvær med en far som vi forstår sliter med livet. Han er veterinær og må stadig forholde seg til liv og død for dyrene han behandler. Datteren får av og til delta i arbeidet, noen ganger blir utfordringen i overkant stor, som når hun får ansvar for å gi passe mye bedøvelse til en hund han skal operere. Hunden må få nok til at smerten lindres og den ligger i ro, men ikke FOR mye, for da dør den.

Faren har behandlingsrom hjemme i kjelleren. Så når "han går i kjelleren" er det både bokstavelig og billedlig talt. Han medisinerer seg selv for å lindre den mentale smerten, og det er da datteren kan komme over ham og finne ham "død".

Korte kapitler og språk som flyter godt gjør at boka - tross tunge tema - oppleves som lettlest og engasjerende.

«Arbeidarhjerte : bok 1» av Carl Frode Tiller

Aschehoug 2024

Trond er hovudpersonen og fortel sjølv i denne romanen. Han er fødd på 1970-talet i Namsos. Faren var kommunist og arbeidde på saga, medan mora kom frå ein heim med strengt kristne foreldre, og jobba som hjelpepleiar. 
Trond valde å studere, fekk seg etter kvart kone og ungar og bygde seg eit greit middelklasseliv i byen, det vil seie Trondheim. Men no er han skilt og har mista jobben, døtrene ser han sjeldan og det er vanskeleg å forstå seg på dei og livet dei fører. Kva var det eigentleg som skjedde? Korleis gjekk det til at han mista grepet om seg sjølv og det livet han hadde?

Gjennom romanen får forfattaren vist kor mykje samfunnet har endra seg sidan 1970, og kor krevande dette kan vera for menneska som må henge med på endringane, endringar som kanskje kjem stadig fortare og er stadig større.
Trond fortel ikkje kronologisk, men rører saman ingrediensane ved å veskle mellom hendingar i notid, med hendingar i barndom, ungdom og tidleg vaksenliv.

Her kjem det fleire bøker, og det blir interessant å lesa vidare om Trond, folk rundt han og samfunnet han (og vi) har levd og lever i.

«Ned i skjul» av Helene Guåker

Samlaget 2024

Agnes fyller 16 år ganske tidleg i denne ungdomsboka. Endeleg er det lov å ha sex, og det er ho meir enn klar for! På skulen er det eit skur bak sløydsalen der ein går viss ein vil kline med nokon. Agnes avtaler å møte Matteo der, og dette blir eit skikkeleg heitt og lovande møte!
Men neste gong dei møtes i skuret er Agnes kanskje litt for ivrig, og det blir rart og vanskeleg mellom dei etterpå.

Om sex, kåtskap, forelsking og kor vanskeleg det er å vera seg sjølv, og kor sårbar ein stiller seg når ein viser kor forelska og kåt ein er. Kanskje spesielt om ein er jente.

«Berre bønder lengtar heim» av Are Kalvø

Kagge forlag 2024 

Are skal ein gong for alle finne ut om by eller land er best. Han skal bu ei periode i Noregs minste kommune - Utsira, og så ei periode i ein av Europas største byar, nemleg London. Slik skal by og land samanliknast. Metoden som nyttast er eit såkalla TOMFF-skjema, der det blir gitt poeng med omsyn til Tryggleik, Opplevingar, Meining, Folk og Fridom.
Han har med seg sambuaren sin, i boka kalla Kontaktsøkaren. Opplevelsane deira er humoristisk dokumentert i denne boka.

Eg trur mange kan kjenne seg att i temaet. Mange har budd både i by og på landet, eller i noko midt imellom, og mange har antakeleg dragning til den eine eller andre staden. Det er vel ein grunn til at så mange nordmenn har hytte?

Det er ikkje så ofte eg ler høgt når eg les bøker, men Kalvø får meg til å le godt fleire gonger.